सोनिया चॅरिटेबल ट्रस्टचे काम कौतुकास्पद - श्रीमंत विश्वजितराजे ना. निंबाळकर

सोनिया चॅरिटेबल ट्रस्टला आर्थिक मदत करण्याचे आवाहन

माजी नगरसेवक सनी अहिवळे व सोनिया चॅरिटेबल ट्रस्टच्या सौ. सुपर्णा अहिवळे या ट्रस्टलाच्या माध्यमातून गेली अनेक वर्ष सामाजिक कार्यक्रम राबवत असतात. विद्यार्थ्यां करीता सातत्याने विविध उपक्रम राबविले जातात. जाम मध्ये मोठ्या प्रमाणात आर्थिक खर्च येतो. आजपर्यंत सनी अहिवळे स्वतःच्या उत्पनातील खर्चातूनच हे उपक्रम राबविले जातात. या सामाजिक उपक्रमांना आता मोठे स्वरूप प्राप्त झाल्याने समाजातील दानशूर व्यक्तींनी सोनिया चॅरिटेबल ट्रस्टला आर्थिक मदतीचा हात देण्याचे आवाहन करण्यात आले आहे. 

 वाढदिवस, लग्नाचा वाढदिवस यासह विविध प्रसंगी नाहक खर्च वगळून समाजकार्यात हातभार लावावा असे आवाहन सोनिया चॅरिटेबल ट्रस्टच्या वतीने करण्यात आले आहे.

फलटण प्रतिनिधी - विध्यार्थी दशेमध्ये विद्यार्थ्यांनी अभ्यासाला प्राधान्य देणे महत्वाचे आहे. आपण फलटण तालुक्यातील विध्यार्थ्यांना शिक्षणासाठी वैयक्तिक पातळीवर सहकार्य करणार आहे. तर यशस्वी विद्यार्थ्यांच्या पाठीवर शाबासकीची थाप मारण्याचे काम माजी नगरसेवक सनी अहिवळे, सोनिया चॅरिटेबल ट्रस्टच्या माध्यमातून सुपर्णा अहिवळे या करीत आहेत ते निश्चितच कौतुकास्पद असल्याचे गौरवोद्गार फलटण पंचायत समितीचे माजी सभापती श्रीमंत विश्वजितराजे ना. निंबाळकर यांनी काढले, ते सोनिया चॅरिटेबल ट्रस्ट व मा.नगरसेवक सनी अहिवळे यांच्या वतीने १० वी व १२वी उत्तीर्ण झालेल्या विद्यार्थ्यांचे जाहीर सत्कार समारंभ प्रसंगी बोलत होते. 

त्यावेळी व्यासपीठावर सेवानिवृत्त वॉरंट ऑफिसर जे. एस. काकडे, मुधोजी हायस्कूलचे माजी प्राचार्य रवींद्र येवले, आरपीआयचे जेष्ठनेते विजय येवले, माजी नगरसेवक मधुकर काकडे, माजी नगरसेवक सनी अहिवळे, सोनिया चॅरिटेबल ट्रस्टच्या अध्यक्षा सौ. सुपर्णा अहिवळे, विकास काकडे सर, सेवानिवृत्त अधिकारी सुहास अहिवळे, पत्रकार सचिन मोरे, प्राचार्य ॲड.वर्धमान अहिवळे, महेश पाटील, जय रणदिवे आदी मान्यवर उपस्थित होते. 

यावेळी मान्यवरांच्या हस्ते १० वी व १२वी उत्तीर्ण झालेल्या विद्यार्थ्यांचे शालेय साहित्य देऊन सत्कार करण्यात आला. जे. एस. काकडे, रवींद्र येवले, विजय येवले, मधुकर काकडे, विकास काकडे पत्रकार सचिन मोरे, प्राचार्य ॲड.वर्धमान अहिवळे, महेश पाटील, आदींची समायोचित भाषणे झाली. कार्यक्रमाच्या सुरुवातीला डॉ. बाबासाहेब आंबेडकर यांच्या प्रतिमेला पुष्पहार घालून अभिवादन करण्यात आले. 

 रिपब्लिकन पार्टी ऑफ इंडियाचे सातारा जिल्हा सचिव विजयराव येवले यांचा वाढदिवस साजरा करण्यात आला. तर डॉ. बाबासाहेब आंबेडकर जयंती उत्सव समिती 2025 च्या पदाधिकाऱ्यांनी काढलेल्या उत्कृष्ट भीम जयंती करिता त्यांचा यथोचित सन्मान करण्यात आला. 

कार्यक्रमाचे प्रास्ताविक व सूत्रसंचालन हरिश आप्पा काकडे यांनी केले तर आभार सौ. सुपर्णा अहिवळे यांनी मानले.

शैलेंद्र भगवान ढावरे यांनी दिली ट्रस्टला आर्थिक मदत 

 सोनिया चॅरिटेबल ट्रस्टच्या वतीने गेली अनेक वर्ष विद्यार्थ्यांकरीता अनेक उपक्रम राबविले जातात. शालेय साहित्य वाटप, गणवेश वाटप, यशस्वी विद्यार्थ्यांचा सन्मान सोहळा, स्पर्धा परीक्षेतील यशस्वी विद्यार्थ्यांचा सन्मान सोहळा, गरीब व होतकरू विद्यार्थ्यांना आर्थिक मदत या सह फलटण तालुक्यातील विद्यार्थ्यांना विविध मार्गदर्शन शिबिरे ट्रस्टच्या माध्यमातून राबविली जातात. यावर्षीच्या शालेय साहित्य वाटप प्रसंगी शैलेंद्र भगवान ढावरे यांनीही ट्रस्टला आर्थिक मदत केल्याचे सांगण्यात आले.