वंचितच्या सौ.सपनाताई भोसले यांचा भाजपा मध्ये प्रवेश

फलटण प्रतिनिधी :

वंचित बहुजन आघाडीच्या फलटण शहर अध्यक्षा सौ. सपनाताई भोसले यांनी मा. खासदार रणजितसिंह नाईक निंबाळकर यांच्या उपस्थितीत भारतीय जनता पक्षात अधिकृत प्रवेश केला. पक्षप्रवेश सोहळा उत्साहात पार पडला असून, यावेळी सपनाताईंनी महिला सक्षमीकरण, तालुका व शहरातील मुली व महिलांच्या सुरक्षेबाबत विशेष आश्वासन घेतले.

माजी खासदार रणजितसिंह नाईक निंबाळकर यांनीही या सर्व प्रश्नांवर ठोस पावले उचलू, असा विश्वास व्यक्त करत सपनाताई भोसले व त्यांच्या सहकाऱ्यांचे मनःपूर्वक स्वागत केले.

या कार्यक्रमाला माजी नगरसेवक सचिन अहिवळे, सुधीर अहिवळे, सौं. अनिता प्रशांत काकडे, सनी भाऊ मोरे, विकी बोके, महेश जगताप, सुनील अहिवळे यांच्यासह शहर व तालुक्यातील शेकडो महिला कार्यकर्त्यांची उत्स्फूर्त उपस्थिती होती.

सपनाताईंच्या प्रवेशामुळे भाजपच्या महिला संघटनांना नवी ताकद मिळाल्याची प्रतिक्रिया कार्यकर्त्यांकडून व्यक्त होत आहे.