माजी आमदार शहाजी बापू पाटील यांनी घेतली समशेरसिंह नाईक निंबाळकर यांची भेट

फलटण प्रतिनिधी -

सांगोल्याचे माजी आमदार शहाजी बापू पाटील यांनी फलटण नगर परिषदेचे विरोधी पक्षनेते तथा भारतीय जनता पक्षाचे नगराध्यक्ष पदाचे संभाव्य उमेदवार समशेर सिंह नाईक यांचे फलटण येथे भेट घेतली. यावेळी पंचायत समितीचे माजी सभापती चेतन सुभाषराव शिंदे यांची उपस्थिती होती. 

फलटण नगरपालिकेच्या निवडणुकीच्या पार्श्वभूमीवर माजी आमदार शहाजी बापू पाटील आणि समशेरसिंह नाईक निंबाळकर यांची ही भेट महत्वपूर्ण मानली जाते. शहाजी बापू पाटील आणि कैलासवासी लोकनेते माजी खासदार हिंदुराव नाईक निंबाळकर यांचा विशेष स्नेह होता. पाटील यांच्या भेटीमुळे समशेर सिंह नाईक निंबाळकर यांच्या नगराध्यक्षपदाच्या उमेदवारीला हिरवा कंदील मिळण्याची शक्यता असल्याचे राजकीय जाणकारांनी सांगितले.