फलटण येथे स्त्रीरोग निदान, उपचार, शस्त्रक्रिया, आणि हृदयरोग मोफत तपासणी शिबीर

श्रीमंत नाईक निंबाळकर देवस्थाने व चॅरिटेबल ट्रस्ट फलटण व कृष्णा इन्स्टिट्यूट ऑफ मेडिकल सायन्सेस कराड यांचे संयुक्त विद्यामने कृषि उत्पन्न बाजार समिती,  फलटण पंचायत समिती, फलटण फलटण नगर परिषद फलटण, महाराजा मालोजीराव सिल्व्हर ज्युबिली हॉस्पिटल फलटण यांच्या सहकार्याने स्त्रीरोग निदान,  उपचार, शस्त्रक्रिया आणि हृदयरोग मोफत तपासणी शिबीर शुक्रवार दि. ७ ऑक्टोबर २०२२ रोजी सकाळी १०.०० ते दु .३.०० वाजेपर्यंत होणार असल्याची माहिती संयोजकांनी दिली.

सदर शिबिरात स्त्रीरोगासंबंधीची तपासणी मोफत करण्यात येणार असून  गरजू रुग्णांची मॅमोग्रॉफी ( स्तनतपासणी ) आणि गर्भाशयमुखाची पॅप्समेअर तपासणी मोफत करण्यात येणार आहे. शासकीय योजनेनुसार यापुढील तपासण्या, उपचार आणि शस्त्रक्रिया मोफत अथवा सवलतीने करण्यात येणार आहेत.

यावेळी डॉ.सुरेशबाबा भोसले कुलपती कृष्णा युनिव्हर्सिटी आणि चेअरमन, कृष्णा सहकारी साखर कारखाना हे स्वतः स्त्रीरोगासंबंधी महिलांना मार्गदर्शन करणार आहेत. तरी सर्व गरजू महिलांनी या शिबीराचा लाभ घ्यावा असे आवाहन श्रीमंत सुभद्राराजे नाईक निंबाळकर सचिव, प.पू.गोविदकाका उपळेकर महाराज ट्रस्ट, फलटण व मा.ज्येष्ठ नगरसेविका, फलटण नगर परिषद, फलटण श्रीमंत सत्यजितराजे नाईक निंबाळकर डायरेक्टर, गोविंद मिल्क अॅण्ड मिल्क प्रॉडक्टस् लि. फलटण श्रीमंत विश्वजितराजे नाईक निंबाळकर मा.सभापती, पंचायत समिती, फलटण. यांनी केले आहे.

स्त्री रोग तपासणी , उपचार आणि शस्त्रक्रिया शिवीर अनंत मंगल कार्यालय, कोळकी, फलटण हृदयरोग तपासणी शिबीर महाराजा मालोजीराव सिल्व्हर ज्युबिली हॉस्पिटल, या ठिकाणी होणार आहेत.

शिबीरासाठी येताना संबंधितांनी सध्या चालू असणाऱ्या औषधोपचारांची माहिती व रिपोर्ट सोबत आणावेत असे सांगण्यात आले आले.