प्रभाग २ मधून सौ. आरती रणदिवे यांची शिवसेनेकडून उमेदवारी दाखल: काकडेच्या मुलीला राजे गटाकडून संधी

फलटण प्रतिनिधी :

फलटण नगरपालिका निवडणुकीत आज प्रभाग क्र. २ (अनुसूचित जाती महिला) या राखीव प्रभागातून सौ. आरती जयकुमार रणदिवे (काकडे) यांनी उमेदवारीचा अर्ज दाखल केला आहे. शिवसेना एकनाथ शिंदे पक्षातून राजे गटाच्या उमेदवार म्हणून त्यांनी उमेदवारी अर्ज दाखल केला आहे. मंगळवार पेठेतील प्रभाग दोन मधून काकडेंना संधी द्या अशी मागणी होती. त्यामुळे सौ. आरती यांना प्रभाग २ मधून संधी दिल्याने काकडे भावकीतून आनंद व्यक्त होत आहे.

सौ. आरती रणदिवे यांनी धनुष्यबाण चिन्हावर शिवसेना राजे गटाच्या वतीने अर्ज दाखल केला. अर्ज दाखल करताना कार्यकर्त्यांची उत्स्फूर्त उपस्थिती दिसून आली. प्रभागातील नागरिकांच्या तक्रारी, मूलभूत सुविधा आणि स्थानिक प्रश्न सोडवण्यासाठी सक्षम नेतृत्व देण्याचा विश्वास त्यांनी यावेळी व्यक्त केला.

सौ.आरती यांचे पती जय रणदिवे राजे गटाचे कट्टर समर्थक मानले जातात. युवकांच्या मध्ये जय यांची विशेष ओळख आहे. जय रणदिवे यांच्या पत्नी सौ. आरती यांना राजे गटाकडून उमेदवारी करिता अर्ज दाखल केल्याने अनेकांनी आनंद व्यक्त केला आहे. 

शिवसेना ( राजे गटाकडून ) या उमेदवारीमुळे प्रभाग क्रमांक २ मधील निवडणुकीची लढत अधिकच रंगणार असल्याचे राजकीय वर्तुळात बोलले जात आहे.