जयकुमार शिंदे व युवराज सस्ते चेअरमन यांची प्रचारात आघाडी, गावागावातून होत आहे मोठ्या जल्लोषात स्वागत

फलटण प्रतिनिधी -

कोळकी जिल्हा परिषद गटाचे भाजपा चे उमेदवार जयकुमार शिंदे व जाधववाडी (फ.)गणाचे उमेदवार युवराज सस्ते चेअरमन यांच्या प्रचारार्थ गाव भेटीला प्रचंड मोठा प्रतिसाद मिळत आहे.  प्रत्येक गावातून तरुणांचा मोठ्या प्रमाणावर प्रतिसाद मिळत आहे.  आम्ही सर्वजन विकासा बरोबर आहोत असा शब्द मतदार देत असून माढा लोकसभा मतदार संघांचे पाणीदार माजी खासदार रणजितसिंह नाईक निंबाळकर तसेच शेतकरी पुत्र लोकप्रिय आमदार सचिन दादा पाटील यांच्या नेतृत्वाखाली जयकुमार शिंदे व युवराज सस्ते यांचे स्वागत होत आहे. त्यांना मतदारांकडून विजयाचा आशीर्वाद मिळत आहे.

महाराष्ट्र राज्याचे मुख्यमंत्री देवेंद्र फडणवीस तसेच ग्रामविकास पंचायतराज मंत्री ना. जयकुमार गोरे यंच्या माध्यमातून माढा लोकसभा मतदारसंघाचे पाणीदार माजी खासदार रणजितसिंह नाईक निंबाळकर यांनी फलटण तालुक्यात विकासाचा डोंगर उभा केला आहे.  आता आपल्याला राजकारणात कोणाचाही बदला घ्यायचा नाही तर बदल घडवायचा असून तो बदलावं विकासाच्या दृष्टीकोन ठेऊन नीरा देवधर,धोम बलकवडी च्या माध्यमातून शेतकऱ्यांना बांधावर पाणी पोहोचून शेती उत्पन्न वाढून आर्थिक क्रांती घडविण्यासाठी कोळकी जिल्हा परिषद गटाचे उमेदवार जयकुमार शिंदे व जाधववाडी (फ.)गणाचे उमेदवार युवराज सस्ते यांना प्रचंड मतांनी निवडून देऊ असा विश्वास सासकल,निरगुडी गावातून व्यक्त केला आहे.