लठ्ठपणा, कमजोर हाडे व पोट साफ न होण्याच्या समस्येवर रामबाण आहे ‘हे’ फळ

लखनऊ : अंजीर खाल्ल्याने आपल्या आरोग्यासाठी अगणित फायदे होतात. हे वजन कमी करण्यासोबतच लिवर, बद्धकोष्ठता, त्वचा आणि कमकुवत हाडांशी संबंधित प्रत्येक समस्या दूर करते.
अंजीर (anjeer) या फळामध्ये अनेक निरोगी पोषक असतात ज्याचं सेवन लोक सामान्यतः सुका मेवाच्या स्वरूपात करतात. आपण अंजीराचा समावेश कॅलरीज नियंत्रित किंवा कमी करणाऱ्या संतुलित आहारात देखील समाविष्ट करू शकता. कारण अंजीर वजन कमी करण्यास मदत करते आणि पोटावरील (abdominal area) व पोटाच्या आजुबाजूच्या भागातील चरबी झपाट्याने कमी करते.
लखनऊच्या विवेकानंद रुग्णालयाचे आयुर्वेदिक डॉक्टर विजय सेठ यांनी सांगितले की, अंजीरचा वापर औषध बनवण्यासाठी केला जातो. या लेखात आम्ही तुम्हाला हेल्थ एक्सपर्ट्सनी सांगितलेल्या अंजीरच्या फायद्यांविषयी सविस्तर माहिती देणार आहोत, जी तुम्ही कदाचित आजवर कधीच ऐकली नसेल.
डॉ विजय सेठ म्हणतात की अंजीर हे आरोग्यासाठी खूप हेल्दी आणि आवश्यक फळ आहे, जे आपल्या आरोग्याला केवळ एक नाही तर अनेक प्रकारचे लाभ देते. ते म्हणतात की अंजीरमध्ये असलेल्या पोषक घटकांचा पचनासाठी खूप उपयोग होतो. अंजीरमध्ये फिकिन नावाचे एंजाइम असते, जे पचनक्रिया व्यवस्थित ठेवण्यासाठी भरपूर मदत करते. यामुळे अन्न लवकर पचन होण्यास मदत होते. त्याच्या सेवनाने बद्धकोष्ठतेची तक्रार नाहीशी होते. अंजीर फायबरने समृद्ध असल्याने पोट साफ करणं, बद्धकोष्ठता दूर करणं याव्यतिरिक्त आतड्यांशी संबंधित अनेक समस्यांसाठी गुणकारी आहे. म्हणूनच जर तुम्हाला बद्धकोष्ठतेच्या समस्येपासून मुक्त व्हायचं असेल तर रोज एक तरी अंजीर अवश्य खा.
श्वसनाच्या आरोग्यासाठी देखील अंजीर उपयुक्त असल्याचे डॉक्टरांनी सांगितले. जेव्हा कोणाच्या श्वसन मार्गामध्ये कफ किंवा सर्दी जमा होते तेव्हा त्याला अंजीर खाऊन लगेच बाहेर काढता येऊ शकते. यासोबतच त्याचा प्रजनन संस्थेवर देखील खूप चांगला उपयोग होतो, ज्यामुळे पुरुषां मधील शुक्राणूंची (Sperm count) कमतरता दूर होते किंवा असे म्हणा ना की ते शुक्राणूंचे प्रमाण वाढवण्यासाठी फार उपयुक्त ठरते.
अंजीर मध्ये भरपूर कॅल्शियम असल्याने ते हाडांचे आरोग्य सुधारण्यास किंवा हाडे बळकट व मजबूत करण्यास मदत करतात. तज्ञ हे देखील सांगतात की निरोगी हाडांसाठी कॅल्शियम हा मुख्य घटक आहे आणि अंजीर यासाठी एक चांगला नैसर्गिक स्रोत आहे. जे वेगन डाएटचे पालन करतात ते दुग्धजन्य पदार्थ खात नाहीत, अशा लोकांसाठी सुद्धा अंजीर सुपरफूड मानले जाते.
अंजीर मध्ये मोठ्या प्रमाणावर फायबर असल्याने पोट दीर्घकाळ भरलेले राहते. हे दररोज अनहेल्दी फुड्स मार्फत पोटात जाणा-या व गरज नसलेल्या कॅलरीजवर लक्ष ठेवण्यास मदत करते. यात फायबर असल्यामुळे ते आतड्यां संबंधित प्रणाली किंवा कार्य सुधारण्यास मदत करते, जे पाचन तंत्र देखील मजबूत करते.
डॉक्टर स्पष्ट करतात की अंजीर व्यायाम करताना स्नायूंमधील अधिकची कॅलरी बर्न करण्यास मदत करतात, कारण त्यात ओमेगा -3 फॅटी अॅसिड असते. हे वजन कमी करण्यात महत्वाची भूमिका बजावते. याशिवाय ते हृदयाचे गंभीर रोगांपासून संरक्षण करते. तुम्हाला माहितच असेल की अंजीर मध्ये कॅलरीज कमी असतात. म्हणून जेव्हा आपण त्याला स्नॅक्सऐवजी घेता तेव्हा कॅलरीचे प्रमाण आपोआप कमी होते. पण अंजीर जास्त प्रमाणात खाऊ नये कारण ते अत्यंत गोड असते आणि काही लोकांना ते आवडत नाही.
अंजीर मध्ये कॅल्शियम, पोटॅशियम, फॉस्फरस, मॅंगनीज, तांबे आणि मॅग्नेशियम सारखी पोषक तत्वे असतात. त्याचवेळी त्यात उपस्थित खनिजे जसं की जीवनसत्त्वे ए आणि बी ही चयापचय दर (metabolism rate) वाढवण्यास मदत करतात.
डॉक्टर सेठ स्पष्ट करतात की अंजीरचे फळ औषधांमध्ये वापरले जाते. ताप बरा करण्यापासून शरीरातील उष्णता नष्ट करण्यासाठीही उपयुक्त ठरते. याव्यतिरिक्त लिवर किंवा यकृताचे कार्य सामान्य करते. हे रक्त शुद्ध करण्यासाठी देखील उपयुक्त आहे आणि अशाप्रकारे त्वचेसाठी देखील याचा पुरेपुर वापर केला जातो. कारण त्वचेच्या रोगांशी संबंधित समस्यांचा एक घटक खराब रक्त हा देखील आहे.