बरड येथे महिला सुरक्षा व जाणीव जागृती कार्यक्रम उत्साहात संपन्न

फलटण प्रतिनिधी

फलटण तालुक्यातील बरड (लोंढेवस्ती–झिरपवस्ती) येथे महिला सुरक्षा व जाणीव जागृती कार्यक्रम नुकताच उत्साहात पार पडला. महिलांवरील अत्याचार रोखण्यासाठी केवळ कायदे पुरेसे नसून समाजाच्या मानसिकतेत बदल होणे अत्यंत आवश्यक आहे, असे प्रतिपादन प्रमुख वक्ते अशोक भोसले यांनी केले.

नवयान संशोधन उन्नती आणि शिक्षण-प्रशिक्षण संस्था, बरड यांच्या वतीने आयोजित करण्यात आलेल्या या विशेष कार्यक्रमात परिसरातील महिला व युवतींनी मोठ्या संख्येने सहभाग नोंदवला. कार्यक्रमादरम्यान महिलांवरील अत्याचार, त्याविरोधातील विविध कायदे तसेच महिलांचे मूलभूत हक्क याबाबत सखोल व मार्गदर्शक माहिती देण्यात आली.

यावेळी वक्त्यांनी कौटुंबिक हिंसाचार प्रतिबंधक कायदा, कामाच्या ठिकाणी होणाऱ्या लैंगिक छळाविरोधातील कायदे तसेच तक्रार नोंदविण्याची प्रक्रिया यांची सविस्तर माहिती दिली. महिलांनी अन्याय सहन न करता आपल्या हक्कांसाठी ठामपणे उभे राहावे, असे आवाहनही करण्यात आले.

महिला व युवती आर्थिकदृष्ट्या सक्षम होणे काळाची गरज असल्याचे सांगत बचत गटांच्या माध्यमातून घेतलेल्या कर्जाचा योग्य वापर करून कुटुंबाचा आर्थिक स्तर उंचावावा, मुलांना चांगले व उच्च शिक्षण द्यावे, असा संदेश देण्यात आला. कार्यक्रमामुळे महिलांमध्ये आत्मविश्वास वाढल्याची भावना उपस्थितांनी व्यक्त केली.

कार्यक्रम यशस्वी करण्यासाठी संस्थेचे पदाधिकारी, स्वयंसेवक तसेच स्थानिक